Social, පුවත්

දුම්රිය සේවක වර්ජනය සහ මගී ජනතාව

By In
  • එච්.ආර්.දිනුෂිකා හපුතන්ත්‍රි

පසුගිය දා පැවති දුම්රිය සේවක වැඩවර්ජනය පිලිබදව සියලු දෙනාගේම වැඩි අවධානයක් යොමු වූයේ මහනුවර –  කොලඹ සීඝ්‍රගාමී දුම්රියේ වහලය මත ගමන්ගත් තරුණයෙකු ඉන් ඇද වැටී මියයාම පදනම් කොට ගෙනය. මෙම හදිසි වැඩවර්ජනය ට හේතූ වූයේ වැටුප් වැඩිකිරීම හා උසස්වීම් ලබා නොදීම ඇතුළු කරුණු කිහිපයකි. මේ හේතුවෙන් එදින ධාවනය වීමට නියමිතව තිබූ  කාර්යාල  හා කෙටිගමන් වාර දුම්රිය සේවා 39ක් පමණ අවලංගු වූ අතර  එදින දුම්රිය බලාපොරොත්තුවෙන් රැඳී සිටි මගීන් දැඩි අපහසුතාවයට පත් විය. 

ඒ අනුව වැඩවර්ජනයට හේතු වූ උක්ත කරුණු සම්බන්ධව 2016 අංක 12 දරණ තොරතුරු දැනගැනීමේ පනතට අනුව තොරතුරු නිලධාරී ජේ.ඒ.ඩී.ආර්.පුෂ්පකුමාර මහතා ලබාදුන් තොරතුරු මත පදනම්ව මෙම ලිපිය සකස් කෙරේ.

දුම්රිය එන්ජින් ශ්‍රේණියට අදාළව මේ වන තෙක් වැටුප් කේතයක් ලැබි නැත්තේ ඒ සඳහා වැටුප් කොමිසමෙන් තවමත් අනුමැතිය නොලැබිමය. එලෙසම RM 1, RM 2 වැටුප් කේතද ලබාදෙන ලෙස අමාත්‍ය මණ්ඩලය වෙත සංදේශ යොමු කර ඇති අතර දුම්රිය දෙපාර්තමේන්තුව සංවෘත කිරීමට යටත්ව එය අනුමත වී ඇති නමුත්, ගැටලුව වන්නේ මෙතෙක් දෙපාර්තමේන්තුව  එය සංවෘත කිරීමට කටයුතු නොකල බැවින් වැටුප් කේතයක් නොමැති වීමයි. එමෙන්ම මෙහි විස්මය දනවන කරුණ වන්නේ 2016.07.01 දිනෙන් පසු  වසර හතක් ගෙවී ගොස් ඇතත් සේවකයන් බඳවා ගැනීම සඳහා ගැසට් නිවේදන නිකුත්කර නොතිබීමයි.

විශේෂයෙන්ම, දුම්රිය සේවාව අතිතයේ මෙන්ම වර්තමානයේද  බොහෝ දෙනෙකු තම එදිනෙදා කටයුතු පහසු කර ගැනීම සඳහා භාවිත කරන ප්‍රවාහන පද්ධතියෙන් එකකි. එකී ප්‍රවාහන පද්ධතිය තුළ මෙවැනි ගැටලු පැන නැගීම  කණගාටුදායක කරුණකි.

වැටුප් වැඩිකිරීමට ඉල්ලා සිටීම, උසස්වීම් ලබාදෙන ලෙස ඉල්ලුම් කිරීම ඕනෑම ආයතනයකට අනුයුක්තව සේවය කරන සේවකන්ගේ මුලික අයිතිවාසිකමකි. ඒ පිලිබඳ සලකා බැලීම සහ ඒ සම්බන්ධව සේවකයන් දැනුවත් කිරීම අදාළ නිලධාරීන්ගේ ද වගකීමකි. අදාල බලධාරින්   තම වගකීම් ඉටුකලේ නම්  දුම්රිය සේවකයන්ට වුවද වැඩ වර්ජන කිරීමේ අවශ්‍යතාවන් ඇතිනොවන්නට ඉඩ තිබුණි.

මෙහිදී අදාළ බලධාරීන්ගේ අවධානය යොමු වියයුතු බරපතලම කරුණක් වන්නේ 2016.07.01 දිනෙන් පසු තවමත් සේවකයන් බඳවා ගැනීම සඳහා ගැසට් පත්‍රයක් නිකුත් නොකිරිමය . සත්‍ය වශයෙන්ම සේවකයන් සිටීද එසේත් නොමැති නම් කිසිවෙකුගේ බලපෑමට යටත්ව එලෙස නව සේවකයන් බඳවා ගැනීම සඳහා ගැසට් පත්‍ර නිකුත් නොකලේද යන්න පිළිබඳ  සොයා බැලිය යුතුය. ඕනෑම ආයතනක රඳාපැවැත්ම සේවකයන් මත තීරණය වේ. එවැනි   තත්ත්වයක අවුරුදු 7ක් වැනි දිගු කාලයක් සේවකයන් බඳවා නොගැනීම ගැටළු සහගතය.

මෙලෙස  දුම්රිය සේවයේ කටයුතු දිගින් දිගටම සිදුවිම තුල මගි ජනතාවගේ පාර්ශවයෙන් දක්වන ලද අයහපත් ප්‍රතිචාර කිහිපයක් පසුගිය දිනවල දක්නට ලබිණ.  මෙම තත්ත්වය තවදුරටත් වර්ධනය විමට ඉඩදිමෙන් වන්නේ බරපතල ආර්ථික දුෂ්කරතා හමුවේ බැටකන දෙපාර්ශවයම පීඩාවට පත්විමය.  

Social

ශ්‍රී ලංකාවේ ආහාර හා ආහාර නොවන නිෂ්පාදන වල අඩංගු නොවිය යුතු ලැයිස්තුව

ශරීරයේ කොතැනක හෝ සිදුවන අසාමාන්‍ය සෛල බෙදීමක් හා ඒවායේ පාලනයකින් තොරව ශරීරය පුරා ව්‍යාප්ත වීමක් පිළිකාවක් ලෙස හැඳින්විය හැකිය. පිළිකා…

By In
Social, පුවත්

දිස්ත්‍රික්ක අටක, වසරකට බරවා රෝගීන් 700ක් – තොරතුරු පනතින් කළ තවත් හෙළිදරව්වක්

මොහොමඩ් ආසික් ජනාකීර්ණ වූ නගරයන්හි  වීදි හරහා හදිස්සියෙන්  එහා මෙහා  යද්දී අපේ  නෙතට ගැටී නොගැටී  යන දෑත් දෙපා ඉදිමුණු  පිරිමින් මෙන්ම…

By In
Social, ප්‍රකාශන

ජනතාවගේ බදු මුදල් මිලියන අසූ හතරක් වැය කල ජනපති කාර්ය සාධක බලකායන්

මොහොමඩ් නස්රාන හිටපු ජනාධිපති ගෝඨාභය රාජපක්ෂ මහතා බලයට පත්වීමෙන් පසුව ඔහු බලයෙන් පහව යනතුරු වසර තුනක කාලයක් ඇතුලත ජනාධිපති කාර්යය…

By In

Leave a Reply

Your email address will not be published. Required fields are marked *