ශ්රි ලංකාවේ දැනට ක්රියාත්මක වෙමින් පවතින තොරතුරු දැනගැනීමේ පනත පිළිබද ජනමාධ්යවේදීන් දැනුවත් කිරීමේ වැඩමුළුවක් 2017 මැයි මස 07 වන දින මඩකලපුවේ නිව් සන්රයිස් හෝටලයේදී පැවැත්විය. මේ සදහා මඩකලපුවේ ජනමාධ්යවේදීන්, ත්රිකුණාමලයේ ජනමාධ්යවේදීන් සහ අම්පාර ජනමාධ්යවේදීන් සහභාගී විය.
මෙහිදී විවිධ කරුණු සාකච්ජා විය. මෙරට පුරවැසියෙක් ලෙස ඔබ ආදායම් බදු වශයෙන් සෘජු බදු හෝ වැට් වශයෙන් වක්ර බදු හෝ ඒ දෙකම ගෙවනු ලබයි. මේ මුදල්වලට සිදුවන්නේ කුමක්ද? ඔබේ මුදල් ආණ්ඩුව වැය කරන්නේ කොහොමද? මේ පිළිබද දැන ගැනීම ජනතාවගේ අයිතියකි. විනිවිද පාලනයක්, දූෂණ අවම කරගතහැකි අවස්ථාවක්, ඔබ විසින් රටේ මුදල් යම් කටයුත්තකට යෙදවූ පසුව ඒවා ක්රියාත්මක වුනු ආකාරය පිළිබඳව රටේ ජනතාවට දැනගැනීමට වගේම රටේ ඕනෑම තොරතුරක් ජනතාවට අවශ්ය වූ විට එය දැනගැනීමට හැකියාව තොරතුරු දැනගැනීමේ පනත හරහා සාමාන්ය ජනතාවට හිමි වන අයිතියකි. මේ පිළිබද වඩාත් පුළුල් ලෙස සාකච්ජා විය.
