පුවත්

අතුරේ යාමට සමාන තෙල්බැද්දේ පාලම

By In

බදුල්ල තෙල්බැද්දගමට පිවිසීමට ඇති පහසුම මාර්ගය බදුලුඔයේ අතුගංගාවක් හරහා වැටී ඇත.  එම මාර්ගය ඔස්සේ ගම නගරය හා යා කරන්නේ තෙල්බැද්ද පාලමයි.  වසර හතළිහකට වැඩි කාලයක් තිස්සේ බදුල්ල සිට තෙල්බැද්ද හරහා අල්ලෙ අරාවට ගමන් කිරීමට මෙන්ම, මගී බස්රථ ප්‍රවාහනයටද ප්‍රදේශයේ ප්‍රමුඛ ආර්ථික බෝග යවන තේ දළු ප්‍රවාහනයටද උපයෝගී කරගන්නා ප්‍රධාන පිවිසුම මෙම පාලමයි.

නමුත් මේ වනවිට පාලම දෙපස ඇති ආධාරක ඇදි කැඩී බිදී ගොස් ඉතා අනාරක්ෂිත තත්වයකට පත්ව තිබේ. පාලමේ පටු ස්වභාවය හේතුවෙන් වාහන දෙකක් එකවර මාරුවීම සිදුකල නොහැකි අතර වාහන ගමන් ගන්නා අවස්ථාවල මගීන්ට පාලම භාවිතා කළ නොහැකි වී ඇත. පාසලේ සිසුන්ට සහ රජයේ සේවකයන්ට දිනපතා තෙල්බැද්ද පාලම භාවිතා කිරීමට සිදුව ඇත්තේ ජිවිත අවදානම නොතකමින් බව ගම්වාසීහු සඳහන් කරති.  කුඩා තේ වතු හිමියන්ගේ තේ දළු ප්‍රවාහනය කරන සහ ගෙවතු හා කුඹුරුවල අස්වනු නගරයට රැගෙන යන කාර්යයද සිමා වනතත්වයක් උද්ගත වී තිබේ. ගම්වාසීන් සඳහන් කරන්නේ මේ හේතුවෙන් තමන්ගේ ගොවිතැන අඩාල වීමට ඉඩ ඇති බවයි.  විශේෂයෙන් ගොවිතැනට අවශ්‍ය පොහොර සහ වෙනත් යෙදවුම් නගරයේ සිට රැගෙන ඒමේදී ද අපහසුතා මතුව ඇති බව ගොවිජනතාව සඳහන් කරති.  වසර දෙකකට පමණ ඉහත පාලමේ ආරක්ෂක ඇදි නොමැතිවීම නිසා ඒ ඔස්සේ ගමන් කළ ත්‍රිරෝද රථ දෙකක් ගඟට ඇද වැටි ඇත. තෙල් බැද්ද හා ඇල්ලේ ආරාව ගම්වාසීන් අවස්ථා ගණනාවකදී බලධාරීන් දැනුවත් කර මෙම පාලම පිළිසකර කර දෙන්නැයි ඉල්ලීම් කර ඇතත් මේ දක්වා ඒ සඳහා ප්‍රතිචාර ලැබී නොමැති.  එබැවින් තොරතුරැ දැනගැනීමේ අයිතිය භාවිතා කරමින් අදාළ ප්‍රදේශය පිළිබද වගකීම් ඇති පළාත් පාලන ආයතන වන බදුල්ල ප්‍රාදේශීය සභාව විසින් විමසීම් සිදු කිරීමට ගම්වාසීන් ක්‍රියා කර ඇත.

ඊට පිළිතුරු දෙමින් බදුල්ල ප්‍රාදේශීය සභාව 2018.12.04 දිනැති RTI/BD/BPS/2018/02 අංක දරණ ලිපියෙහි සඳහන් කරන්නේ තෙල්බැද්ද පාලම අයත් මාර්ගය පිළිසකර කිරීමේ වගකීම ඇත්තේ ඌව පළාත් මාර්ග දෙපාර්තුමේන්තුව වෙත බවයි.

කෙසේ වෙතත් ගම්වාසීන් සඳහන් කරන්නේ හැකි ඉක්මනින් මෙම පාලම පිළිසකර කරදීමේ වගකීම බලධාරීන් සතු නිසා පළාත් මාර්ග දෙපාර්තුමේන්තුවෙන් තොරතුරු ලබාදිය යුතු බවයි.

(ශ්‍රී ලංකා පුවත්පත් ආයතනය විසින්  පවත්වන ලද තොරතුරු දැනගැනීමේ පනත  හා සන්නිවේදන පුහුණු වැඩමුළුවට සහභාගී වූවන් විසින් මෙම  ලිපි සකස් කරන ලද්දේ USAID-SDGAP ව්‍යාපෘති‍යේ මුල්‍ය ආධාර සහිතවය.)

මෙමෙ ලිපි වල අන්තර්ගතය තුලින් USAID-SDGAP අදහස් පිලිබිබු නොකරන බව කරුණාවෙන් සලකන්න

පුවත්

‘Youth Club’ ජාතික තරුණ සමුළුව මල් වෙඩිල්ලක්ද?

වියදම රුපියල් ලක්ෂ 388යි ජාතික තරුණ සේවා සභාවේ තරුණ සමුළුවට සහභාගී වූ දිස්ත්‍රික් නායකයින් තෝරාගැනීමේදී ආණ්ඩුවේ දේශපාලන අධිකාරිය හා  යම්…

By In
පුවත්

මැතිවරණ වියදම් නියාමන නීතිය කෙතරම් ප්‍රායෝගිකද?

මැතිවරණ තුනේ අපේක්ෂකයින් 2403 ක්  ආදායම් වියදම් වාර්තා ලබා දී නෑ තොරතුරු දැන ගැනීමේ පනතින් කළ සොයා බැලීමක් ප්‍රජාතන්ත්‍රවාදී පාලන…

By In
පුවත්

අයිතිවාසිකම් පනත් කෙටුම්පත් හමස්පෙට්ටියට යාවිද?

  මහජනතාවගේ පරමාධිපත්‍ය හොබවන ඔනෑම රජයක ප්‍රමුඛ කාර්ය වන්නේ මහජනතාවගේ අයිතිවාසිකම්  වන මානව අයිතිවාසිකම් සුරක්ෂිත කිරීමය. එපමණක් නොව එම අයිතිවාසිකම්…

By In
පුවත්

දුම්රිය මැදිරි තුළ ගමන් ගන්නා මගීන් අපහසුතාවයටපත්වීමට නීතිමය සහනයක් තිබේද ?

බ්‍රිතාන්‍ය පාලන සමයේ සිට ශ්‍රී ලංකාව තුළ ක්‍රියාත්මක වූ දුම්රිය සේවය අදටත් මෙරට මහජනතාවගේ ප්‍රධානතම පොදු ප්‍රවාහන මාධ්‍යයන් අතුරින් එකකි….

By In

Leave a Reply

Your email address will not be published. Required fields are marked *