පුවත්

අගමැතිට අයත් කාර්යාලවල විදුලි බිල මසකට ලක්ෂ 49 ඉක්මවයි.

By In

ප්‍රජාතන්ත්‍රවාදී රටක් ලෙස ශ්‍රී ලංකාව තුළ පුරවැසියා සෑම විටම රාජ්‍ය පාලනය හා වක්‍රව සම්බන්ධ වීම සිදුවෙයි. ඔිනෑම ප්‍රජාතන්ත්‍රවාදී රටක සියලුම පුරවැසියන් නියෝජනය කරමින් තේරීපත්වන ජනතා නියෝජිතයින් සහ රජය ජනතාව වෙනුවෙන් රාජ්‍ය කළමණාකරණ කටයුතු සිදු කරයි. එම නිසා සීමිත සංවේදී තොරතුරු හැරුණුකොට රජය සම්බන්ධ ඕනෑම තොරතුරක් ජනතාවට ප්‍රවේශ විය හැකි ලෙස සකස් විය යුතුය. ශ්‍රී ලංකාව තුල රාජ්‍ය පාලනය පිළිබඳ තොරතුරු වීම සඳහා කලින් පැවැති හැකියාව ඉතා අවම විය. නමුත් තොරතුරු දැනගැනීමේ අයිතිවාසිකම තහවුරු වීමත් සමඟ එවැනි තොරතුරු වෙත ප්‍රවේශ වීම සඳහා අවස්ථාව ලැබී ඇත.

ශ්‍රී ලංකාවේ රාජ්‍ය ආයතනවල ක්‍රියාකාරීත්වය සහ ආදායම් වියදම් පිළිබඳ තොරතුරු ලබා ගැනීම සඳහා තොරතුරු දැනගැනීමේ පනත භාවිතා කළ හැකිය. තොරතුරු දැනගැනීමේ පනත භාවිත කරමින් අප විසින් අග්‍රාමාත්‍ය කාර්යාලයේ විදුලි පරිභෝජනය කිරීම හා ඒ සඳහා වැයවන වියදම පිළිබඳ විමසා තොරතුරු දැනගැනීමේ පනත යටතේ ඉල්ලීමක් සිදු කරන ලදී. මෙමඟින් අග්‍රාමාත්‍ය කාර්යාලයට අයත් සියලුම අංශවල 2019 වර්ෂයේ ජුනි, ජූලි සහ අගෝස්තු යන මාසවල විදුලි බිල්පත්වල පිටපත් ලබාදෙන ලෙස ඉල්ලීමක් සිදු කරන ලදී.

අගමැති කාර්යාලයට අයත් අංශ ලෙස අරලියගහ මන්දිරය, අරලියගහ මන්දිරයේ පිහිටි අගමැති ලේකම්ගේ කාර්යාලය, ශ්‍රීමත් අර්නස්ට් ද සිල්වා මාවතේ පිහිටි අගමැති ලේකම් කාර්යාලයේ අංශ දෙකක්, සහ බුද්ධි ආර්ට්ස් පුද්ගලික සමාගම යන ස්ථානවලට අදාළ විදුලි බිල්පත්වල පිටපත් අපවෙත එවා ඇත. ආසන්නතම මාසය ලෙස 2019 අගොස්තු මාසයේ විදුලි බිල්පත් අනුව අරලියගහ මන්දිරය රු.1223148.00 ක්, අරලියගහ මන්දිරයේ පිහිටි අගමැති ලේකම්ගේ කාර්යාලය රු. 531354.00 ක් වශයෙන් විදුලිය සඳහා බිල්පත් ලැබී ඇත. එම මාසයේ බිල්පත් අනුව ශ්‍රීමත් අර්නස්ට් ද සිල්වා මාවතේ පිහිටි අගමැති ලේකම් කාර්යාලයේ අංශ දෙතෙහි රු.2539841.00ක් හා රු.577709.60ක් ද, බුද්ධි ආර්ට්ස් පුද්ගලික සමාගම සඳහා රු.105464.00ක මුදලක් ද විදුලිය සඳහා වැය වී ඇත.

2019 අගෝස්තු මාසයේදී අගමැති කාර්යාලයට අයත් සියලුම අංශවල විදුලි බිල්පත්වල එකතුව රු.4977516.60ක් වී ඇත. මෙම එක් එක් අංශවල සේවය කරන සේවකයින් ප්‍රමාණය සහ භාවිත වන උපකරණ යන කරුණු ද මෙම විදුලි පරිභෝජනය පිළිබඳ නිගමනයන්ට පැමිණීමේදී අවධානයට ලක්කළ යුතුය. රාජ්‍ය ආයතනවලට අයත් මෙවැනි තොරතුරුවලට ප්‍රවේශවීම සඳහා තොරතුරු දැනගැනීමේ පනතින් ලැබී ඇති අවස්ථාව සුවිශේෂී වේ.  රාජ්‍ය ආයතනවල තොරතුරු විනිවිදභාවයකින් යුතුව පවත්වා ගැනීම තුලින් ඒවැනි ආයතන තුළ ඇති අක්‍රමිකතා වලක්වා ගැනීමට හැකිවීම මෙහිදී පුරවැසියාගේ ජයග්‍රහණයක් ලෙස හඳුනාගත හැකිය.

පුවත්

කල්මුණේ වෙත ලැබුණු රුපියල් මිලියන 2,600ක ව්‍යාපෘතියක් අත්හිටුවයි : තොරතුරු දැනගැනීමේ පනත හරහා සිදුකළ තතු අනාවරණය

රිෆ්දි අලි ආසියානු සංවර්ධන බැංකුවෙන් ලද රුපියල් මිලියන 2,600ක ණය ආධාර සහිතව මෙරට ක්‍රියාත්මක කරන ලද ‘ද්විතීයික නගර සඳහා වූ…

By In
පුවත්

විසඳුමක් ඇති නමුත් තවම විසඳී නැති මිහිඳුසෙන්පුර කසල ගැටළුව​

මෑතක දී සිට කොළඹ නගරයේ කුණු කසල බැහැර කිරීම පිළිබඳ මහජනතාවගෙන් බොහෝ සෙයින් පැමිණිලි ලැබෙන බවක් දක්නට ලැබේ. මෙයට වසර…

By In
පුවත්

හම්බන්තොට කුඹුරු ඉඩම් ගොඩකිරීම සම්බන්ධයෙන් ගොවිජන සංවර්ධන දෙපාර්තමේන්තුවේ අතිරේක කොමසාරිස් ජනරාල්වරයාගේ දැනුම් දීමටවත් ගොවිජන සේවා කාර්යාලය තොරතුරු ලබා දී නෑ

රාහුල් සමන්ත හෙට්ටිආරච්චි  තොරතුරු දැනගැනීමේ පනත යටතේ ඉල්ලා සිටින තොරතුරු නොදී වගකීම් විරහිතව කටයුතු කරන හම්බන්තොට දිස්ත්‍රික් ගොවිජනසේවා  සහකාර කොමසාරිස්…

By In
පුවත්

පසුගිය පාර්ලිමේන්තු මහ මැතිවරණවලට ඉදිරිපත්වූ අපේක්ෂකයින්ගෙන්  වත්කම් හා බැරකම් ඉදිරිපත්කර තිබෙන්නේ  සියයට 35කටත් වඩා අඩුවෙන්

2015 වඩා 2020  පාර්ලිමේන්තු මහ මැතිවරණයේ දී වත්කම් හා බැරකම් ඉදිරිපත්කිරීම් තවත් අඩුවෙලා රාහුල් සමන්ත හෙට්ටිආරච්චි     පසුගිය 2015 වර්ෂයේ සහ 2020 වර්ෂයන්හි පැවති  පාර්ලිමේන්තු මහ මැතිවරණ…

By In

Leave a Reply

Your email address will not be published. Required fields are marked *