News

RTI நடவடிக்கை: சமூக நலனை கவனத்தில் எடுத்து மதுபான கடை இடமாற்றம்

By In

வெலிமட பிரதேச சபைக்குட்பட்ட ரன்தன்பொல என்ற இடத்தில் பாடசாலைக்கு மிக அண்மித்ததாக மதுபான கடை அமைக்கப்பட்டிருந்தது. மாணவர்களது கற்றல் நடவடிக்கைகளுக்கு மட்டுமல்லாது பல்வேறு வகையிலும் இந்த மதுபான விற்பனைக் கடை பொதுமக்களுக்கு மோசமான தாக்கத்தை ஏற்படுத்தவதாக இருந்து வந்தது.
இந்த மதுக்கடை காரணமாக குறிப்பிட்ட பகுதி பாடசாலைகயில் கல்வி கற்கும் மாணவிகள் பலவிதமான தொந்தரவுகளுக்கு உள்ளாக வேண்டி இருந்தது. போதைக்குள்ளான மற்றும் மதுக்கடைக்கு வரும் ஆண்கள் மாணவிகளை துஷ்பிரயோகம் செய்தல் மற்றும் மோசமான வார்த்தைகளைக் கொண்டு இம்சைப்படுத்தல் போன்ற தொல்லைகளுக்கு ஆளாக வேண்டி இருந்தது. அவ்வாறே ஏனைய மாணவர்களுக்கும் இந்த மதுக்கடை பெரும் அச்சுறுத்தலாகவே இருந்து வந்தது.
ஆண்கள் மத்தியில் அதிகரித்து வரும் மதுப்பாவனை இப்பிரதேசங்களில் பல குடும்பங்களை பாதித்து இருந்ததோடு குடும்ப அங்கத்தவர்கள், குறிப்பாக பெண்களும் பிள்ளைகளும், தொல்லைகளுக்கு உள்ளாகும் எண்ணிக்கை அதிகரித்த வண்ணமிருந்தது. குடும்பங்களை பாதித்தது மட்டுமல்லாமல் இப்பகுதி இளைஞர்கள் போதைக்கு அடிமையாகும் வீதமும் அதிகரித்து காணப்பட்டது. அதிகமான தொழிலாளர்களும் தினமும் மதுபானத்திற்காக செலவு செய்யும் தொகையும் அதிகரித்து காணப்பட்டமை மேலும் மோசமான பாதிப்பாகும்.
இவ்விடயம் தொடர்பாக பிரதேச செயலகத்திற்கும் பல முறைப்பாடுகள் செய்யப்பட்டிருந்தன. ஆனாலும் அதற்கு எதிராக எந்தவிதமான நடவடிக்கைகளும் எடுக்கப்படவில்லை.
தகவல் அறிவதற்கான சட்டம் பற்றிய கலந்துரையாடல் அப்பிரதேச மக்களுக்கு கை கொடுத்தது எனலாம். இலங்கை பத்திரிகை ஸ்தாபனம், அமெரிக்க உதவித்திட்டத்துடன் (USAID) இணைந்து தகவல் அறிவதற்கான சட்டம் பற்றி நடத்திய செயலமர்வில் இப்பகுதி இளைஞர்களும் பங்குபற்றினர். அவர்கள் தகவல் அறிவதற்கான சட்டத்தின் முக்கியத்துவத்தை புரிந்துகொண்டு பின்வரும் வினாக்களை உள்ளடக்கியதாக தகவல் அறிவதற்கான சட்டத்தின் அடிப்படையில் 2018 நவம்பர் மாதம் விண்ணப்பப் படிவம் ஒன்றை சமர்ப்பித்தனர்.
• பாடசாலைக்கும் மதுபான கடைக்கும் இடையில் இருக்க வேண்டிய தூரம் என்ன?
• எவ்வளவவு காலமாக இந்த மதுபான கடை இப்பிரதேசத்தில் நிறுவப்பட்டிருக்கின்றது?
• பாடசாலை மற்றும் மத ஆலயம் இருக்கும் பகுதியில் மதுக்கடை நிறுவ எவ்வாறு திட்டமிடப்பட்டது?
விண்ணப்பதாரியால் வினவப்பட்டதற்கிணங்க பிரதேச செயலகத்தால் வழங்கப்பட்ட பதில் அவ்வளவாக திருப்தியானதாக இருக்கவில்லை. பிரதேசவாசிகளது வேண்டுகோளாக இருந்தது ஒன்றில் மதுக்கடையை மூடிவிட வேண்டும் அல்லது வேரொரு இடத்திற்கு இடமாற்றம் செய்ய வேண்டும் என்பதாகும்.
அதே நேரம் இந்த விடயம் தொடர்பாக பிரதேச செயலகத்தால் உரிய நடவடிக்கை எடுக்க முடியாது போன அதே நேரம் இளைஞர் அமைப்பொன்று மதத் தலைவர்களது உதவியுடன் இந்த மதுக்கடைக்கு எதிராக மாணவர்களை அறிவூட்டல் செய்து எதிர் முரண் செயற்பாட்டை மேற்கொண்டது.
ஏற்கனவே இந்த விடயம் தொடர்பாக பலமுறை நடவடிக்கை எடுக்குமாறு கோரிய போதும் அதிகாரிகளது கண்கள் குருடாக இருந்த அதே நேரம் தகவல் அறிவதற்கான சட்டம் அதிகாரிகளை கேள்வி எழுப்பவும் எதிர்ப்பை வெளிப்படுத்தி வேண்டாத ஒன்றுக்கு எதிராக நடவடிக்கை எடுக்கவும் உதவி செய்வதாக அமைந்ததாக இளைஞர்கள் கூறுகின்றனர். அத்துடன் அதிகாரிகள் பதிலளிக்க வேண்டிய நிர்ப்பந்த நிலைக்கு உள்ளாவது மிகவும் பயனுள்ள விடயம் என்றும் தெரிவிக்கின்றனர்.
இந்த தகவல் நல்லாட்சி மற்றும் ஜனநாயகத்தை பலப்படுத்தும் வகையில் இலங்கை பத்திரிகை ஸ்தாபனம், அமெரிக்க உதவித் திட்டத்துடன் (USAID) தகவல் அறிவதற்கான சட்டம் பற்றி நடத்திய பயிற்சி செயலமர்வில் பங்குபற்றிய இளைஞர்களால் சமர்ப்பிக்கப்பட்டதாகும்.

“இந்த இடுகையின் உள்ளடக்கங்கள் SLPIஇன் முழுப் பொறுப்பாகும், மேலும் USAID அல்லது ஐக்கிய அமெரிக்க அரசாங்கத்தின் கருத்துக்களை அவசியமாக பிரதிபலிக்கவில்லை.”

News

எல்லைகள் வரையறுக்கப்படாது தனியார் பல்கலைக்கழகத்துக்கு குத்தகைக்கு வழங்கப்பட்டுள்ள கீரிமலை ஜனாதிபதி மாளிகை!

ந.லோகதயாளன் கீரிமலையில் முன்னாள் ஜனாதிபதி மஹிந்த ராஜபக்ஷ அமைத்த ஜனாதிபதி மாளிகையும் அதனைச் சூழவுள்ள பிரதேசமும் ஆண்டொன்றிற்கு 10 ஆயிரம் டொலர்களுக்கு தனியார் பல்கலைக் கழகத்திற்கு குத்தகைக்கு…

By In
News

யானை – மனித முரண்பாடும் அதிகரிக்கும் உயிரிழப்புக்களும் !

வீ.பிரியதர்சன் உலகில் வனவிலங்குகளுக்கும் மனிதர்களுக்குமான முரண்பாடுகள் மனித நாகரிகம் தோன்றிய காலம் முதல் தொடர்கதையாகி வருகின்றன. இதில் முக்கியமாக யானை – மனித முரண்பாட்டைக் குறிப்பிடலாம். இலங்கையில்…

By In
News, Uncategorized

இரத்தினபுரி மாவட்ட ஊடவியலாளர்களுக்கான தகவலறியும் உரிமைச் சட்டம் தொடர்பான பயிற்சிப்பட்டறை  

பொறுப்புக்கூறல் மற்றும் வெளிப்படைத்தன்மைக்கான தகவல் அறியும் உரிமைக் கட்டமைப்பை வலுப்படுத்துதல்: தகவல் அறியும் உரிமைச் சட்டம் (RTI) குறித்து ஊடகவியலாளர்களிடையே விழிப்புணர்வை ஏற்படுத்துதல் எனும் தொனிப்பொருளில் RTI…

By In
News

சிறுவர்களின் உரிமைகளை பாதுகாக்கும் பொறிமுறை வலுப் பெற வேண்டும்!

வீ.பிரியதர்சன் சிறுவர் பாதுகாப்பு என்பது ஒரு கூட்டுப்பொறுப்பு, பிரச்சினைகளுக்குரிய தீர்வைப் பெறவே அனைவரும் முயற்சிக்கின்றனர். ஆனால் பிரச்சினைகள் வரும் முன் பாதுகாப்பு நடவடிக்கைகளை மேற்கொள்வதில்லை. இதற்கு முக்கிய…

By In

Leave a Reply

Your email address will not be published. Required fields are marked *