News

2022 நிதியாண்டில், பயணிகள் பாதுகாப்புக்கு நிதி ஒதுக்கீடு இல்லை!

By In

ஒரு நாட்டில் முறையான பொதுப் போக்குவரத்து என்பது உடலின் உயிரணுக்களுக்கு சமனானதாகும். பெரும்பான்மையான மக்கள் தங்கள் அன்றாட நடவடிக்கை தொடர்பில் அதிக அக்கறை கொண்டுள்ள காரணத்தால், நாட்டில் பொதுப் போக்குவரத்தை ஒழுங்குபடுத்துவது இன்றியமையாததாகும். பொதுமக்களுக்காகக் கட்டப்பட்டுள்ள பஸ் தரிப்பிடங்களும் இதற்கு மிகவும் உதவுகிறது. ஏனெனில், பஸ் தரிப்பிடங்கள் பொதுப் போக்குவரத்தை எதிர்பார்த்து வீதிக்கு வரும் பொதுமக்கள் வெயில் மற்றும் மழையிலிருந்து பாதுகாப்புப் பெற உதவுகின்றது.   

தலைநகரில் இவ்வாறான கணிசமான பஸ் தரிப்பிடங்கள் அமையப் பெற்றுள்ள போதிலும் தலைநகருக்கு வெளியே, பிரதேசவாரியாக நோக்கும்போது போதுமானளவு தரிப்பிடங்கள் இல்லை என்பதே யதார்த்தமாகும். 

அந்த வகையில் தகவல் அறியும் உரிமைச் சட்டத்தைப் பயன்படுத்தி வீதிப் பயணிப் போக்குவரத்து அதிகார சபைக்கு நாம் சமர்ப்பித்த தகவல் கோரிக்கையைத் தொடர்ந்து 2022 ஆம் ஆண்டிற்கான தரவுகளை அணுக முடிந்தது.

2022 ஆம் ஆண்டில் பயணிகள் பாதுகாப்புக்கான பஸ் தரிப்பிடங்கள் நிர்மாணிப்பதற்கான திட்டங்கள் எதனையும் அரசாங்கம் முன்வைக்கவில்லை என்பது கிடைக்கப் பெற்ற தகவல்கள் மூலம் தெரிய வந்தது.

மேலும் 2022 ஆம் ஆண்டில் கிராமத்துடன் உரையாடல் நிகழ்ச்சித்திட்டத்தின் கீழ் மினுவாங்கொடை, கட்டான, நீர்கொழும்பு, திவுலப்பிட்டிய, வத்தளை, அவிசாவளை, இரத்மலானை மற்றும் களுத்துறை ஆகிய பிரதேச செயலகங்களில் 27 பயணிகள் தரிப்பிடங்கள் அமைப்பதற்கான திட்டங்களுக்கு அனுமதி வழங்கப்பட்டுள்ளது. அதற்கான மதிப்பீடுகள் தயாரிக்கப்பட்டு 20 வீத முற்பணத்தை பெற்றுக்கொள்வதற்கான வவுச்சர்கள் பிரதேச செயலகங்களில் சமர்ப்பிக்கப்பட்டுள்ளன.

ஏப்ரல் 26, 2022 ஆம் திகதி அன்று நிதியமைச்சினால் வெளியிடப்பட்ட தேசிய வரவு செலவுத் திட்டம் சுற்றறிக்கை எண். 03/2022, பொதுச் செலவினம் கட்டுப்படுத்தலின் கீழ் ஒப்பந்தம் மேற்கொள்ளப்படாத திட்டங்களைச் செயல்படுத்த வேண்டாம் என அறிவுறுத்தப்பட்டுள்ளது. இதற்கமைய 2022 ஆம் ஆண்டில் பயணிகள் தரிப்பிடம் அமைத்தல் திட்டம் தற்போது வரை நடைமுறைப்படுத்தப்படவில்லையென வீதிப்பயணிப் போக்குவரத்து அதிகார சபை அனுப்பிய பதில் கடிதத்தில் தெரிவிக்கப்பட்டுள்ளது.

வெள்ளவத்தை, நாரஹேன்பிட்டி, கிருலப்பனை மற்றும் 141 ஆல் இலக்க பஸ் தரிப்பிடங்கள் தொடர்பாக வீதிப் பயணிகள் போக்குவரத்து அதிகார சபைக்கு அனுப்பிவைக்கப்பட்ட தகவல் கோரிக்கையில், “குறித்த வீதியில் பேருந்துப் பயணத்தை ஆரம்பிக்கும் இடமான நாரஹேன்பிட்டி தரிப்பிடத்திற்கு அருகாமையில் மற்றும் கிருலப்பனை பொலிஸ் நிலையத்திற்கு அருகாமையில் பயணிகள் தரிப்பிடங்கள்  அமைக்கப்பட்டுள்ளன. வெள்ளவத்தை பஸ் நிலையத்தில் பயணிகள் தரிப்பிடத்தை நிர்மாணிப்பதற்கு போதிய இட வசதி இல்லை” என தெரிவிக்கப்பட்டுள்ளது. 

மக்களின் அடிப்படைத் தேவைகளுள் ஒன்றான பாதுகாப்பான போக்குவரத்தை உறுதி செய்வதற்குக் கூட நிதி ஒதுக்கீடு செய்ய முடியாத நாட்டில் நாம் வாழ்வது எவ்வளவு துரதிஷ்டமானது? 

News

பொருளாதார நெருக்கடியால் தொழில்தேடி வெளிநாடு செல்லும் இலங்கையர்களின் எண்ணிக்கை அதிகரிப்பு

ந.லோகதயாளன் நாட்டில் பொருளாதார நெருக்கடி ஏற்பட்ட பின்னர் தொழில்வாய்ப்புக்காக வெளிநாடுகளுக்குச் செல்பவர்களின் எண்ணிக்கை கணிசமாக அதிகரித்திருப்பதை தகவல் அறியும் சட்டத்தின் கீழ்  மாவட்டச் செயலகங்கள் மற்றும் வெளிநாட்டு…

By In
News

நுவரெலியாவில் சட்டவிரோதமான கட்டுமானங்களின் பின்னணியில் அரசியல் அதிகாரமா?

ஆர்.எப்.எம் சுஹேல்- நுவரெலியா உள்ளூராட்சி சபைத் தேர்தலில் போட்டியிட வேட்புமனுத் தாக்கல் செய்திருந்த வேட்பாளர்கள் உட்பட பலரது வீடுகள் உரிய விதிமுறைகளைப் பேணாது சட்டவிரோதமான முறையில் நிர்மாணிக்கப்பட்டுள்ளதாக…

By In
News

தேசிய பாடசாலை தொடர்பான கட்டுக்கதையும் ஆசிரியர் வெற்றிடங்களும்

மகேந்திர ரந்தெனிய மூன்று வருடங்களாகக் கல்வி சீர்திருத்தக் குழுக்களுக்குப் பல கோடிக்கணக்கில் பணம் செலவழித்தும் எந்தப் பலனும் கிடைக்கப்பெறவில்லை என்பதை ஊடகங்கள் அவ்வப்போது வெளிப்படுத்திவருகின்றதை  காணக்கூடியதாக உள்ளது….

By In
News

தொடரும் இலங்கை – இந்திய மீனவர் கைதுகள்!

க.பிரசன்னா இலங்கை – இந்திய மீனவர்களின் பிரச்சினை நீண்ட வரலாற்றைக் கொண்டது. கச்சத்தீவு இலங்கைக்கு வழங்கப்பட்ட பின்னர் ஆரம்பமான பிரச்சினை, இப்போது சட்டவிரோத மீன்பிடி முறையினால் வேறு…

By In

Leave a Reply

Your email address will not be published. Required fields are marked *