News

தகவல் அறியும் உரிமைச் சட்டத்திற்கு 5 ஆண்டுகள்

By In

இலங்கையில் தகவல் அறியும் உரிமைச் சட்டம் (RTI) நடைமுறைப்படுத்தப்பட்டு பிப்ரவரி 3ஆம் திகதியுடன் 5 ஆண்டுகள் நிறைவடைகின்றது. 2016 ஆம் ஆண்டு பெப்ரவரி 03 ஆம் திகதி ஆரம்பிக்கப்பட்டு பொது அதிகாரசபைகளால் தகவல் வழங்கப்படுவதைத் தொடர்ந்து 2016 ஆம் ஆண்டு ஆகஸ்ட் 04 ஆம் திகதி 2016 ஆம் ஆண்டின் 12 ஆம் இலக்க தகவல் அறியும் உரிமைச் சட்டத்தில் கையெழுத்திட்டதன் மூலம் பிரஜைகளின் தகவல் அறியும் உரிமை நடைமுறைக்கு வந்தது.  

சிவில் மற்றும் அரசியல் உரிமையான தகவல் அறியும் உரிமை, இலங்கைப் பிரஜைகளாகிய எமக்குக் கிடைத்த மாபெரும் சாதனையாகும். கடந்த ஐந்தாண்டுகளில், இச்சட்டத்தின் பலனைப் பொது மக்கள் அனுபவித்த பல சம்பவங்கள் உள்ளன. 

இந்த நன்மைகள், கிராமங்களிற்கான வீதிகள் அமைப்பது, ஒரு கிராமத்திற்கு தண்ணீர் அல்லது மின்சார வசதி பெறுவது, அரசாங்கத்தின் அபிவிருத்தித் திட்டங்கள் மற்றும் திட்டங்களுக்காக ஒதுக்கப்பட்ட நிதிகளை அறிவதற்கு, விண்ணப்பித்த வேலைக்கு ஆட்களை தேர்வு செய்வதற்கான அளவுகோல் பற்றிய தகவல்களைப் பெறுவது, பொது நிதி தொடர்பான முறைகேடுகள், அரசு அதிகாரிகள் மற்றும் மக்கள் பிரதிநிதிகளின் பொறுப்புக்கூறல்,  தொடர்பான ஆழமான விசாரணைகள் வரை. இருப்பினும், தொற்றுநோய் உள்ளிட்ட சமீபத்திய நிகழ்வுகள் தகவல் அறியும் உரிமைச் சட்டத்தின் மீதான பொதுமக்களின் நம்பிக்கையையும் நம்பகத்தன்மையையும் குறைத்துள்ளன.

தகவல் அறியும் உரிமைச் சட்டத்தின் ஐந்தாவது ஆண்டு நிறைவை முன்னிட்டு, தகவல் அறியும் உரிமைச் சட்டம் குறித்த விழிப்புணர்வை ஏற்படுத்துவதற்காக இலங்கை பத்திரிகை ஸ்தாபனம் (SLPI) ஜனவரி 2022, 19 மற்றும் 20 ஆம் திகதிகளில் நாரஹேன்பிட்டி, கொழும்பு கோட்டை மற்றும் பொரளை ஆகிய பகுதிகளில் தகவல் அறியும் உரிமைச் சட்டம் தொடர்பான துண்டுப் பிரசுரங்களை விநியோகித்தனர். 

இந்தச் சட்டம் குறித்த விழிப்புணர்வைப் பற்றி பொதுமக்களிடம் தற்செயலாக கேள்வி எழுப்பியதில், பதிலளித்தவர்களில் 70%க்கும் அதிகமானோர் தகவல் அறியும் உரிமைச் சட்டத்தைப் பற்றி அறிந்திருக்கவில்லை என்பதை SLPI கண்டறிந்தது. சுமார் 15% பேர் அத்தகைய சட்டமூலத்தைப் பற்றி கேள்விப்பட்டிருக்கிறார்கள், ஆனால் அதன் விதிகள் பற்றி தெளிவான விளக்கம் இல்லை. தகவல் அறியும் உரிமைச் சட்டத்தின் கீழ் தகவல்களைப் பெறுவதற்கான செயல்முறையைப் பற்றிய தெளிவான அறிவு ஒரு சிலருக்கு மட்டுமே இருந்தது. பதிலளித்தவர்களில் 4% மட்டுமே இதற்கு முன்பு RTI ஐப் பயன்படுத்தியிருக்கின்றனர், மேலும் சிலர் RTI கோரிக்கைகளை தாக்கல் செய்திருந்தாலும், கோரப்பட்ட தகவலைப் பெற முடியவில்லை என்று கூறியிருந்தனர். 

நாரஹேன்பிட்டி, கொழும்பு கோட்டை மற்றும் பொரளை வீதிகளில் அனைத்துத் வயது தரப்பினரையும் சேர்ந்த ஆண்கள், பெண்கள், இளைஞர்கள் மற்றும் முதியவர்கள் என அனைவரையும் எமது எழுந்தமானமாக நாம் சந்தித்தோம்.  இருப்பினும், தகவல் அறியும் உரிமைச் சட்டம் அமுலுக்கு வந்து ஐந்து ஆண்டுகளுக்குப் பிறகும், பொது மக்களிடையே சட்டம் பற்றிய விழிப்புணர்வு மிகவும் குறைவாகவே உள்ளது. தகவல் அறியும் உரிமையின் மீது பொதுமக்களுக்கு நம்பிக்கையை வளர்ப்பதற்காக, சட்டம் குறித்த சிவில் சமூக விழிப்புணர்வை மேலும் அதிகரிக்க வேண்டியதன் அவசியத்தை இந்த அனுபவம் சான்றளித்தது. 

தகவல் அறியும் உரிமை பிரஜைகளின் உரிமையாக பொதுமக்களுக்கு வழங்கப்பட்டுள்ளது. இலங்கையின் அரசியலமைப்பின் ஊடாக பொதுமக்களுக்கு வழங்கப்பட்டுள்ள இந்த உரிமையைப் பயன்படுத்துவதன் மூலம் நிர்வாகச் செயற்பாட்டில் பங்கேற்பது பிரஜையின் கடமையாகும். 

News, Uncategorized

இரத்தினபுரி மாவட்ட ஊடவியலாளர்களுக்கான தகவலறியும் உரிமைச் சட்டம் தொடர்பான பயிற்சிப்பட்டறை  

பொறுப்புக்கூறல் மற்றும் வெளிப்படைத்தன்மைக்கான தகவல் அறியும் உரிமைக் கட்டமைப்பை வலுப்படுத்துதல்: தகவல் அறியும் உரிமைச் சட்டம் (RTI) குறித்து ஊடகவியலாளர்களிடையே விழிப்புணர்வை ஏற்படுத்துதல் எனும் தொனிப்பொருளில் RTI…

By In
News

சிறுவர்களின் உரிமைகளை பாதுகாக்கும் பொறிமுறை வலுப் பெற வேண்டும்!

வீ.பிரியதர்சன் சிறுவர் பாதுகாப்பு என்பது ஒரு கூட்டுப்பொறுப்பு, பிரச்சினைகளுக்குரிய தீர்வைப் பெறவே அனைவரும் முயற்சிக்கின்றனர். ஆனால் பிரச்சினைகள் வரும் முன் பாதுகாப்பு நடவடிக்கைகளை மேற்கொள்வதில்லை. இதற்கு முக்கிய…

By In
News

பொருளாதார நெருக்கடியால் தொழில்தேடி வெளிநாடு செல்லும் இலங்கையர்களின் எண்ணிக்கை அதிகரிப்பு

ந.லோகதயாளன் நாட்டில் பொருளாதார நெருக்கடி ஏற்பட்ட பின்னர் தொழில்வாய்ப்புக்காக வெளிநாடுகளுக்குச் செல்பவர்களின் எண்ணிக்கை கணிசமாக அதிகரித்திருப்பதை தகவல் அறியும் சட்டத்தின் கீழ்  மாவட்டச் செயலகங்கள் மற்றும் வெளிநாட்டு…

By In
News

நுவரெலியாவில் சட்டவிரோதமான கட்டுமானங்களின் பின்னணியில் அரசியல் அதிகாரமா?

ஆர்.எப்.எம் சுஹேல்- நுவரெலியா உள்ளூராட்சி சபைத் தேர்தலில் போட்டியிட வேட்புமனுத் தாக்கல் செய்திருந்த வேட்பாளர்கள் உட்பட பலரது வீடுகள் உரிய விதிமுறைகளைப் பேணாது சட்டவிரோதமான முறையில் நிர்மாணிக்கப்பட்டுள்ளதாக…

By In

Leave a Reply

Your email address will not be published. Required fields are marked *