தேர்தலின் போது அரச வாகனங்கள் எவ்வாறு பயன்படுத்தப்பட்டன

அரச சொத்துக்களை தவறாகப் பயன்படுத்துவது சில காலமாக விவாதிக்கப்பட்டு வந்தாலும், அதிகாரத்தில் உள்ள எந்த அரசாங்கமும் இந்த விடயத்தில் இதுவரை தலையிட முடியவில்லை. புதிய அரசாங்கத்தின் பதவியேற்புடன், அரச சொத்து பற்றிய விவாதம் மீண்டும் தொடங்கியது.

அரச சொத்துக்களைப் பயன்படுத்துவது தொடர்பான குறிப்பிட்ட தகவல்களை தகவல் அறியும் உரிமைச் சட்டத்தின் மூலம் பெறலாம்.

தேர்தல் பிரச்சாரத்திற்காக அரச சொத்துக்களைப் பயன்படுத்துவது குற்றமாகும். எந்தவொரு பிரச்சார நடவடிக்கைகளிலும் அரச சொத்துக்களை பயன்படுத்த வேண்டாம் என்று தேர்தல் ஆணைக்குழு எதிர்க்கட்சி மற்றும் ஆளும் கட்சி வேட்பாளர்களுக்கும் அறிவித்தது. இருப்பினும், பல்வேறு அமைச்சுக்களுக்கு சொந்தமான அரச சொத்துக்கள் பல பிரச்சார நடவடிக்கைகளில் பயன்படுத்தப்பட்டன என்பது பொதுவாக அறியப்பட்ட விடயம். இது குறித்து தேர்தல் கண்காணிப்பு அமைப்புகளும் தேர்தல் ஆணைக்குழுவிற்கு தகவல் அளித்துள்ளன.

பொதுக் கூட்டுத்தாபனங்கள், அமைச்சுகள் மற்றும் திணைக்களங்களுக்குச் சொந்தமான வாகனங்கள் தேர்தல் காலங்களில் பொதுவாகப் பயன்படுத்தப்படும் அரச சொத்துகளாக இருந்தன. கடந்த நாடாளுமன்றத் தேர்தலின் போது வாகனங்கள் பயன்படுத்தப்பட்டதா என்பதைக் கண்டறிய, 63 தகவல் அறியும் விண்ணப்பங்கள் வெவ்வேறு அமைச்சுகளுக்கு தாக்கல் செய்யப்பட்டன.

43 அரச நிறுவனங்கள் மட்டுமே தகவல்களுடன் பதிலளித்தன, 20 அமைச்சுகள் பதிலளிக்கவில்லை என்பது சுவாரஸ்யமானது. கோரிக்கைக்கு பதில் அளிக்கப்பட்ட போதிலும் இரண்டு அரச நிறுவனங்கள் எந்த தகவலையும் வழங்கவில்லை. தேர்தல் காலத்தில் அரச வாகனங்களைப் பயன்படுத்துவது குறித்து வெளியிடப்பட்ட தகவல்கள் பின்வருமாறு;

நீர்ப்பாசன மற்றும் கிராமிய அபிவிருத்தி அமைச்சு தனது வாகனங்களை ஒப்படைக்கவில்லை.

தேர்தல் அறிவிக்கப்பட்ட பிறகும்,  நீர்ப்பாசன மற்றும் கிராமிய அபிவிருத்தி அமைச்சிற்கு சொந்தமான வாகனங்கள் அந்த அமைச்சின் பொறுப்பான அமைச்சரிடம் ஒப்படைக்கப்படவில்லை, மேலும் அந்த வாகனங்கள் தேர்தல் நடவடிக்கைகளின் போது பயன்படுத்தப்பட்டுள்ளன என்பது தேர்தல் கண்காணிப்பு அமைப்புகளின் மூலம் உறுதிப்படுத்தப்பட்டது.

கீழே பட்டியலிடப்பட்டுள்ள சில வாகனங்களை அமைச்சர் தேர்தலுக்கு முன்னர் ஒப்படைத்திருந்தார்;

PC 3572 – Toyota Double Cab Vehicle

KF 1927 – Toyota Prado Jeep Vehicle

PG 0470 – Toyota Double Cab Vehicle

KK 0491 – Toyota Corolla 141 Vehicle

திரும்ப வழங்கப்படாத  வாகனங்கள் கீழே குறிப்பிடப்பட்டுள்ளன;

PC 2692 – Toyota Double Cab

PH 0855 – Mitsubishi Double Cab

PH 0856 – Mitsubishi Double Cab

இந்த வாகனங்கள் அனைத்தும் நீர்ப்பாசன மற்றும் கிராமிய அபிவிருத்தி அமைச்சின் செயல்பாடுகளுக்காக ஒதுக்கப்பட்டுள்ளன. பதவியில் இருந்த அமைச்சர் ரொஷான் ரணசிங்க, தற்போது நாடாளுமன்றத்தில் பொலன்னறுவை மாவட்டத்தை பிரதிநிதித்துவப்படுத்துகின்றார்.

தொழில்துறை ஏற்றுமதி மற்றும் முதலீட்டு ஊக்குவிப்பு அமைச்சின் கீழ் உள்ள வாகனங்கள் ஒப்படைக்கப்படவில்லை.

தொழில்துறை ஏற்றுமதி மற்றும் முதலீட்டு ஊக்குவிப்பு அமைச்சு, அமைச்சருக்காக ஒதுக்கப்பட்ட நான்கு வாகனங்கள் தேர்தலின் போது ஒப்படைக்கப்படவில்லை என்றும், அந்த வாகனங்கள் அந்தந்த அமைச்சர்களிடம் இருப்பதாகவும் தெரிவித்தது. இதன் மூலம்,

KU 5861 – Toyota V8

PH 4344 – Toyota Hilux

KU 6279 – Land Rover – Discovery 4

KY 7021 – Land Rove Defender, திரும்ப வழங்கப்படாத வாகனங்கள். திரு. கெஹெலிய ரம்புக்வெல்ல தொழில்துறை ஏற்றுமதி மற்றும் முதலீட்டு ஊக்குவிப்பு அமைச்சராக இருந்தார். அவர் கண்டி மாவட்டத்தை பிரதிநிதித்துவப்படுத்தி நாடாளுமன்றத்திற்கு தேர்ந்தெடுக்கப்பட்டார்.

சுற்றுலா மற்றும் விமானச் சேவை அமைச்சின் கீழ் உள்ள வாகனங்கள் ஒப்படைக்கப்படவில்லை.

தகவல் அறியும் உரிமை கோரிக்கையில், அமைச்சிற்கு சொந்தமான 4 வாகனங்கள் தேர்தல் காலத்தில் திரும்ப வழங்கப்படவில்லை என்பது தெரியவந்தது.

CAQ 1043 – Jeep

CAQ 1047 – Jeep

PH 0668 – Double Cab

KY 5543 – கார், திரும்ப வழங்கப்படாத வாகனங்கள். திரு அருந்திகா பெர்னாண்டோ முன்னாள் சுற்றுலா மற்றும் விமானச் சேவை அமைச்சராக இருந்தார். புத்தளம் மாவட்டத்தை பிரதிநிதித்துவப்படுத்தி மீண்டும் நாடாளுமன்றத்திற்கு தேர்ந்தெடுக்கப்பட்டுள்ளார்.

தேர்தல் வன்முறைகளை கண்காணிக்கும் நிலையம் (CMEV) கூட்டாக அரசாங்கத்திற்கு சொந்தமான வாகனங்கள் தேர்தலுக்காக பயன்படுத்தப்பட்டதா என்று ஆராய்ந்ததோடு, இந்த வாகனங்கள் தேர்தலுக்காக பயன்படுத்தப்பட்டதையும் கண்டறிந்தனர்.

தேவையான 14 நாட்களைக் கடந்த தகவல்களை வழங்காத நிறுவனங்களுக்கு மேல்முறையீடு செய்யப்பட்டுள்ளது.

இருப்பினும், அரச வளங்களை தவறாகப் பயன்படுத்துவதை இலங்கையால் இதுவரை தடுக்க முடியவில்லை என்பதை இந்த தகவல் நிரூபிக்கிறது. இந்த முறையில் அரச வளங்கள் தவறாகப் பயன்படுத்தப்படுவது குறித்த தகவல்களை வெளிப்படுத்த மக்கள் முன்வர வேண்டிய நேரம் வந்துவிட்டது.