ஊவா மாகாண ஊடகவியலாளர்களுக்கு தகவல் அறிவதற்கான உரிமைச் சட்டம் தொடர்பான செயலமர்வு

தகவல் அறியும் உரிமைச் சட்டம் பற்றி ஊவா மாகாண ஊடகவியலாளர்களுக்கான அறிவூட்டல் செய்யும் செயலமர்வு 18 ஆம் திகதி பண்டாரவலை மலிந்தி இன் ஹோட்டலில் நடைபெற்றது.
பதுளை மற்றும் பண்டாவலை பிரதேசங்களைச் சேர்ந்த தமிழ் மற்றும் சிங்கள மொழி மூல ஊடகவியலாளர்கள் 45 பேர் அளவில் இந்த செயலமர்வில் பங்குபற்றினர்.
2017 பெப்ரவாரி மாதம் 04 ஆம் திகதி நடைமுறைக்கு வந்த தகவல் அறிவதற்கான சட்டத்தை பயன்படுத்தி செய்திகள் மற்றும் கட்டுரைகளை எழுதுவது தொடர்பாக இங்கு கலந்துரையாடப்பட்டது.
இலங்கை பத்திரிகை ஸ்தாபனம் ஏற்பாடு செய்திருந்த இந்த பயிற்சி கருத்தரங்கில் தகவல் அறிவதற்கான உரிமை சட்டம் தொடர்பாக பிரதேச ஊடகவியலாளர்கள் எதிர்நோக்குகின்ற பிரச்சினைகள் உட்பட பல விடயங்கள் பற்றிய கலந்துரையாடப்பட்டன.
கொழும்பு, கண்டி, கம்பஹா மற்றும் காலி மாவட்டங்களில் நடைபெற்றது போன்று மிகவும் வெற்றிகரமாக நடைபெற்ற ஒரு செயலமர்வாக இது அமைந்தது குறிப்பிடத்தக்கது.