News

இலங்கையில் கொவிட் தொற்றும் நீர் முகாமைத்துவமும்

By In

நீரின்றி அமையாது உலகு என்பர்.  பூமியில் 79% நீரால் சூழ்ந்திருந்தால் கூட அதில் 97.5 சதவீதம் கடல் நீராகவே இருக்கிறது. தங்கத்தை விட தண்ணீரின் விலை அதிகரித்து விடக்கூடிய ஒரு துர்ப்பாக்கிய நிலையில் பெருகிவருகின்ற மக்கள் தொகையும், வளர்ந்துவரும் தொழில்துறை காரணமாகவும் நீர்ப்பாவனை அதிகரித்த வண்ணமேதான் இருக்கிறது. யதார்த்த நிலை இவ்வாறிருக்க கொவிட் பெருந்தொற்று சாமான்ய வாழ்க்கையை ஒருபுறம் புரட்டிப்போட்டது. முகக்கவசம் அணிவதும், தூய நீரில் கைகளை கழுவுவதும் கட்டாயமாக்கப்பட்டது. 

இலங்கையின் பிரதான இயற்கை வளமாக நீர் வளம் காணப்படுகிறது.  இலங்கை சுமார் 103 பிரதான நதிகளை கொண்டிருந்தாலும் அவற்றுள் 20 நதிகளே வருடம் முழுவதும் பாய்ந்தோடும் நதிகளாக காணப்படுகிறது. இவ்வாறானதொரு நிலையில் கொவிட் தொற்று காலத்தில் இலங்கையின் நீர்ப்பாவனை மற்றும் நீர் முகாமைத்துவம் என்பது சற்றே  ஒரு விடயமாக உருவெடுத்தது. 

இலங்கை தேசிய நீர் வழங்கல் வடிகாலமைப்பு சபைக்கு தகவலறியும் சட்டத்தை பயன்படுத்தி நாம் அனுப்பிய வினாக்களுக்கான விடைகளைக் கொண்டு இதனை நாம் தெளிவு பெறலாம்.

2019ஆம் ஆண்டுடன் ஒப்பிடும் போது, 2020 ஆண்டுக்குரிய மொத்த நீர்ப்பாவனையானது அதிகரித்துள்ளது. 2019ஆம் ஆண்டுக்குரிய வீட்டு நீர்ப்பாவனை 419,108,884m3 ஆக இருக்கும் அதேவேளை வீடு அல்லாத நீர்ப்பாவனை 141,901,321m3 ஆக காணப்படுகிறது. 

2020ஆம் ஆண்டுக்குரிய  வீட்டு நீர்ப்பாவனை 460,795,035m3 ஆக இருக்கும் அதேவேளை வீடு அல்லாத நீர்ப்பாவனை 135,117,284m3 ஆக காணப்படுகிறது. குறிப்பாக 2020ஆம் ஆண்டில் வீட்டு நீர்ப்பாவனை மட்டம் அதிகரித்திருப்பதே 2019ஆம் ஆண்டை விட 2020இல் மொத்த நீர்ப்பாவனை அளவு அதிகரித்திருப்பதற்கான காரணமாகும். ஊரடங்கு நாட்களில்  வீடுகளிலேயே தங்கியிருக்க வேண்டிய நிலை ஏற்பட்டமை நீர்ப்பாவனை அதிகரிப்பிற்கு முக்கிய காரணமாக கொள்ளலாம். 

நீர்வழங்கல், நீர்ப்பாவனை என்பன ஒருபுறம் அதிகரித்திருக்கும் அதேவேளை அதற்கான கட்டணங்களை குறித்த சிந்தனையும் மக்கள் மனதில் பெரும் அச்சத்தை ஏற்படுத்தியிருந்தன. எனவே கொவிட் 19 பரவல் காரணத்தினால் சபையினால் வழங்கப்பட்ட சலுகைகள் என நீர்வழங்கல் வடிகாலமைப்பு சபை தெரிவித்திருக்கும் சலுகைகள் பின்வருமாறு:- 

  • நாடளாவிய ரீதியில் ஊரடங்கு பிறப்பித்திருந்த 2020/05 ஆம் மாதத்திற்குரிய அனைத்து நீர்ப்பட்டியல்களுக்குமான தாமதக் கொடுப்பனவை அறவிடாமை. 
  • நீர்ப்பட்டியல் கட்டணத்தை செலுத்துவதற்காக சலுகை காலத்தினை வழங்குதல். 
  • 2020/03 ஆம் மாதம் முதல் தற்போது வரை நீர்ப்பட்டியலுக்குரிய நிலுவை தொகையை செலுத்தாதவர்களின் நீர் இணைப்பினை துண்டிக்காதிருப்பதற்கான நடவடிக்கைகளை மேற்கொள்ளல். 
  • நிலுவைத் தொகையை ஒரே தடவையில் செலுத்துவதற்கு முடியாத பாவனையாளர்களுக்கு தவணை முறையில் கட்டணத்தை செலுத்துவதற்கான வசதிகளை வழங்குதல். 
  • அமைச்சரவையின் தீர்மானத்திற்கு அமைவாக சுற்றுலாக் கைத்தொழிலில் ஈடுபடுபவர்களுக்கு நீர்ப்பட்டியல் கட்டணத்தை செலுத்துவதற்காக சலுகைக் காலத்தை வழங்குதல்.

குறிப்பிட்ட கொவிட் காலப்பகுதியில் நீர்க்கட்டண அறவிடல் முறையில் அதாவது நீர்ப்பாவனை அலகுகளுக்குரிய(units) கட்டணமுறையில் எவ்வித மாற்றங்களும் ஏற்படவில்லை. அத்துடன் 2012 அக்டோபர் மாதம் முதலாம் திகதி திருத்தியமைக்கப்பட்ட நீர் கட்டண அறவிடல் முறையே தற்போது வரை நடைமுறையில் இருப்பதாகவும்,  2012.09.18 ஆம் திகதி பிரசுரிக்கப்பட்ட இலங்கை ஜனநாயக சோசலிச குடியரசின் வர்த்தமானிப் பத்திரிகையில் குறிப்பிலிட்டுள்ளவாறே நடைமுறைப்படுத்தப்படுவதாகவும்  இலங்கை நீர் வளங்கள் வடிகாலமைப்பு சபை தெரிவித்துள்ளது. * 

நீர் வளத்தின் முக்கியத்துவமறிந்து பொறுப்புடன் பயன்படுத்துவதும் அதனை விநியோகிப்பதும் பாவனையாளர்களதும், வழங்குனர்களதும் தலையாய கடமையாகும்.  

*2012.09.18 ஆம் திகதி பிரசுரிக்கப்பட்ட இலங்கை ஜனநாயக சோசலிச குடியரசின் வர்த்தமானிப் பத்திரிகையை இங்கே பார்வையிடலாம். http://www.waterboard.lk/web/images/contents/consumer_help/water_tariff_e.pdf

News

அம்பாறை மாவட்ட சுனாமி வீட்டுத்திட்ட தகவல்களை வழங்கும் பொறுப்பு யாருடையது?

க. பிரசன்னா 2004 ஆம் ஆண்டு சுனாமி ஏற்பட்டதன் பின்னர் பல வெளிநாட்டு உதவிகளை அரசாங்கம் பெற்றுக்கொண்டது. இதன் தொடர்ச்சியாக அம்பாறை மாவட்டத்தில் நுரைச்சோலை மற்றும் மருதமுனை…

By In
News

பாடசாலைகளின் கொவிட் சுகாதார நடவடிக்கைகளுக்காக 681,625,800.00 ரூபா நிதி ஒதுக்கீடு

றிப்தி அலி கல்வி என்பது ஒட்டுமொத்த உலக சமூகத்திற்கும் இன்றியமையாததொன்றாகும். இந்த கல்வி நாட்டின் பொருளாதார முன்னேற்றத்திற்கும் மிக அத்தியவசியமாகும்.  மாணவர்கள் இந்த கல்வி நடவடிக்கையினை காலா…

By In
News

பகிரங்க அதிகாரசபைகளிடமிருந்து பிரஜைகள் தகவல்களை கோரலாம் என்பது உங்களுக்கு தெரியுமா?

கடந்த இரண்டு தசாப்தங்களாக நடைபெற்ற பல்வேறு போராட்டங்களின் விளைவாக, 2017 ஆம் ஆண்டில் இலங்கையில் தகவல் அறியும் உரிமைச் சட்டம் அமுலாகியது. அதன்படி, பொதுமக்களுக்கு பரந்துபட்ட விடயங்களில்…

By In
News

தகவல் அறியும் உரிமை: தற்போதைய நிலவரங்களையும் எதிர்கால முன்னுரிமைகளையும் ஆராயும் கலந்துரையாடல்

  றிப்தி அலி கடந்த மே 3ஆம் அனுஷ்டிக்கப்பட்ட உலக பத்திரிகை சுதந்திர தினத்தையொட்டி தகவல் அறியும் உரிமை:  தற்போதைய நிலவரங்களும், எதிர்கால முன்னுரிமைகளும் எனும் தலைப்பிலான…

By In

Leave a Reply

Your email address will not be published. Required fields are marked *