News

தகவல் அறிவதற்கான சட்டம் : – பிரதேச செயலகத்திற்கு தகவல் அறிவதற்கான விண்ணப்பப் படிவம் சமர்ப்பிக்கப்பட்ட பின்னர் ஸ்ரீ முருகன் வீதி திருத்தப்பட்டது.

By In

கரவெட்டி பிரதேச சபைக்குட்பட்ட J/353 ஆம் இலக்க கிராம சேவகர் பிரிவில் ஸ்ரீ முருகன் குடியேற்றத்திற்கு செல்லும் பாதை 32 மில்லியன் ருபா செலவில் பழுது பார்க்கப்பட்டது. நல்லாட்சி மற்றும் ஜனநாயகத்தை பலப்படுத்தும் வகையில் இலங்கை பத்திரிகை ஸ்தாபனம் அமெரிக்க உதவித்திட்டத்துடன் (USAID) இணைந்து தகவல் அறிவதற்கான சட்டம் பற்றி நடத்திய பயிற்சி செயலமர்வில் பங்குபற்றிய இளைஞர் குழுவொன்று தகவல் அறிவதற்கான உரிமைச் சட்டத்தின் அடிப்படையில் சமர்ப்பித்த விண்ணப்பப் படிவத்திற்கே இந்த தகவல்கள் வழங்கப்பட்டுள்ளன.
இந்த பகுதிக்கான பாதை பல வருடங்களாக மிகவும் மோசமான முறையில் பழுதடைந்து காணப்பட்டது. குறிப்பாக மழை காலங்களில் இப்பாதையால் பிரயாணம் செய்யும் பாதசரிகள், மாணவர்கள், மற்றும் பல தரப்பட்டவர்கள் கடுமையான சிரமங்களை எதிர்நோக்கி வந்தனர். பாதிப்பு அதனோடு மாத்திரம் நிற்கவில்லை. இந்த பாதையால் பயணிக்கும் வாகனங்கள் பாதையில் ஏற்பட்டிருந்த குழிகளில் விழுந்து பழுதடையும் நிலை இருந்த வந்தது. அத்துடன் அடிக்கடி விபத்துக்களும் இடம்பெற்று வந்தன. அதனால் அவலத்தை தாங்க முடியாத மக்கள் மண் மற்றும் கற்களை போட்டு குழிகளை நிரப்பி பாதையை தற்காலிகமாக திருத்தினர்.
தகவல் அறிவதற்கான சட்டம் பற்றி அறிந்துகொண்ட இளைஞர் குழுவொன்று அதற்கான விண்ணப்பப் படிவம் ஒன்றை கரவெட்டி பிரதேச செயலகத்தில் சமர்ப்பித்தது. இந்த பாதை திருத்த வேலைகள் பற்றியும் அதற்கான எதிர்கால திட்டங்கள் பற்றியும் தகவல்களை கோரி விண்ணப்பத்தை சமர்ப்பித்தனர்.
தகவல் அறிவதற்காக வழங்கப்பட்ட விண்ணப்பத்தின் பிரதிபலனாக தகவல்கள் வழங்கப்பட்டது மாத்திரமன்றி பாதையை செப்பனிட்டு பழுது பார்க்கவும் நடவடிக்கை எடுக்கப்பட்டது. 76 மீட்டர் நீளமானதான இப்பாதை முழுமையாக பழுது பார்க்கப்பட்டது. இரண்டு மாத கால இடைவெளிக்குள் இந்த பணிகள் பூர்த்தி செய்யப்பட்டன. தகவல் அறிவதற்கான சட்டத்தின் அடிப்படையில் எடுக்கப்பட்ட அதிரடி நடவடிக்கை குறித்து மக்கள் மகிழ்ச்சியடைகின்றனர்.
பயிற்சி செயலமர்வு மூலம் அவர்கள் பெற்றுக்கொண்ட தகவல் அறிவதற்கான பயிற்சி காரணமாக மக்களது வாழ்க்கையின் மேம்பாட்டை குறிக்கோளாகக் கொண்டு மேலும் பல செயற்பாடுகளை முன்னெடுக்க
முடியும் என்று இளைஞர்கள் கருதுகின்றனர். எதிர்காலத்தில் இத்தகைய விடயங்களை கையாழ்வதற்காக தகவல் அறிவதற்கான சட்டத்தை பயன்படுத்த முடியும் என்று அவர்கள் கருதுகின்றனர்.
இந்த தகவலானது நல்லாட்சி மற்றும் ஜனநாயகத்தை பலப்படுத்தும் வகையில் இலங்கை பத்திரிகை ஸ்தாபனம், அமெரிக்க உதவித்திட்டத்துடன் (USAID) இணைந்து தகவல் மற்றும் தொடர்பாடல், தகவல் அறிவதற்கான சட்டம் பற்றி நடத்திய பயிற்சி செயலமர்வில் பங்கு பற்றியவர்களால் சமர்ப்பிக்கப்பட்டதாகும்.

“இந்த இடுகையின் உள்ளடக்கங்கள் SLPIஇன் முழுப் பொறுப்பாகும்இ மேலும் USAID அல்லது ஐக்கிய அமெரிக்க அரசாங்கத்தின் கருத்துக்களை அவசியமாக பிரதிபலிக்கவில்லை.”

News

பொருளாதார நெருக்கடியால் தொழில்தேடி வெளிநாடு செல்லும் இலங்கையர்களின் எண்ணிக்கை அதிகரிப்பு

ந.லோகதயாளன் நாட்டில் பொருளாதார நெருக்கடி ஏற்பட்ட பின்னர் தொழில்வாய்ப்புக்காக வெளிநாடுகளுக்குச் செல்பவர்களின் எண்ணிக்கை கணிசமாக அதிகரித்திருப்பதை தகவல் அறியும் சட்டத்தின் கீழ்  மாவட்டச் செயலகங்கள் மற்றும் வெளிநாட்டு…

By In
News

நுவரெலியாவில் சட்டவிரோதமான கட்டுமானங்களின் பின்னணியில் அரசியல் அதிகாரமா?

ஆர்.எப்.எம் சுஹேல்- நுவரெலியா உள்ளூராட்சி சபைத் தேர்தலில் போட்டியிட வேட்புமனுத் தாக்கல் செய்திருந்த வேட்பாளர்கள் உட்பட பலரது வீடுகள் உரிய விதிமுறைகளைப் பேணாது சட்டவிரோதமான முறையில் நிர்மாணிக்கப்பட்டுள்ளதாக…

By In
News

தேசிய பாடசாலை தொடர்பான கட்டுக்கதையும் ஆசிரியர் வெற்றிடங்களும்

மகேந்திர ரந்தெனிய மூன்று வருடங்களாகக் கல்வி சீர்திருத்தக் குழுக்களுக்குப் பல கோடிக்கணக்கில் பணம் செலவழித்தும் எந்தப் பலனும் கிடைக்கப்பெறவில்லை என்பதை ஊடகங்கள் அவ்வப்போது வெளிப்படுத்திவருகின்றதை  காணக்கூடியதாக உள்ளது….

By In
News

தொடரும் இலங்கை – இந்திய மீனவர் கைதுகள்!

க.பிரசன்னா இலங்கை – இந்திய மீனவர்களின் பிரச்சினை நீண்ட வரலாற்றைக் கொண்டது. கச்சத்தீவு இலங்கைக்கு வழங்கப்பட்ட பின்னர் ஆரம்பமான பிரச்சினை, இப்போது சட்டவிரோத மீன்பிடி முறையினால் வேறு…

By In

Leave a Reply

Your email address will not be published. Required fields are marked *