පුවත්

හම්බන්තොට කුඹුරු ඉඩම් ගොඩකිරීම සම්බන්ධයෙන් ගොවිජන සංවර්ධන දෙපාර්තමේන්තුවේ අතිරේක කොමසාරිස් ජනරාල්වරයාගේ දැනුම් දීමටවත් ගොවිජන සේවා කාර්යාලය තොරතුරු ලබා දී නෑ

By In

රාහුල් සමන්ත හෙට්ටිආරච්චි

 තොරතුරු දැනගැනීමේ පනත යටතේ ඉල්ලා සිටින තොරතුරු නොදී වගකීම් විරහිතව කටයුතු කරන හම්බන්තොට දිස්ත්‍රික් ගොවිජනසේවා  සහකාර කොමසාරිස් කාර්යාලයේ තොරතුරු නිලධාරියාට  හා කොමසාරිස්වරයාහට තොරතුරු ඉල්ලුකරුට එම තොරතොරු ලබාදෙන ලෙස ගොවිජන සංවර්ධන දෙපාර්තමේන්තුවේ අතිරේක කොමසාරිස් ජනරාල් විසින් දන්වා තිබේ.

  ගොවිජන සංවර්ධන  අතිරේක කොමසාරිස් ජනරාල්වරයා විසින් 2021 මාර්තු 18 දින ලිඛිතව මෙම දැනුම් දීම සිදුකර ඇත්තේ, හම්බන්තොට  කුඹුරු ඉඩම් ගොඩකිරීම සම්බන්ධයෙන් හම්බන්තොට ගොවිජනසේවා සහකාර කොමසාරිස් කාර්යාලයෙන්  තොරතුරු දැනගැනීමේ පනතට අනුව ඉල්ලා සිටි තොරතුරු ලබා නොදී  වගකීම් විරහිතව කටයුතු කරන බැවින් ඒ සම්බන්ධයෙන් 2021 පෙබරවාරි 02 දින  සිදුකරන ලද පැමිණිල්ලකට අනුව ය.

  රටක ප්‍රජාතන්ත්‍රවාදය තහවුරු කරන එක් අංගයක් වන්නේ එම රටේ මහජනතාවට රටේ රාජ්‍ය අංශවල  තොරතුරුවලට ප්‍රවේශ වීමට අවකාශය ලබාදීමයි. ඒ තුලින් විනිවිධභාවය, රජයේ වගකිව යුතු බව, දූෂණයට එරෙහිව ජනතාව ආරක්ෂා කිරීම ආදී කාරණා රාශියක් ඉටුවන අතර  එම අයිතිය ශ්‍රී ලංකික පුරවැසියන්හට 2016 අංක 12 දරන තොරතුරු දැනගැනීමේ අයිතිවාසිකම් පිළිබඳ   පනත මගින් ලබාදී තිබේ.

 එවන් පසුබිමක  හම්බන්තොට දිස්ත්‍රික් ගොවිජනසේවා  සහකාර කොමසාරිස් කාර්යාලයේ තොරතුරු නිලධාරියා හා කොමසාරිස් වරයා විසින් අදාළ පනත යටතේ ඉල්ලා සිටින  තොරතුරු ලබා නොදී පනතේ කිසිදු වගන්තියකට නොගැළපෙන ප්‍රකාශ කරමින් වගකීම් විරහිතව තොරතුරු දැනගැනීමේ පනතේ විධානයන් දැඩිසේ උල්ලංඝනය කරමින් සිටි.

 හම්බන්තොට දිස්ත්‍රික් ගොවිජනසේවා  සහකාර කොමසාරිස් කාර්යාලයෙන් දැනගත යුතුව තිබු යම් තොරතුරු කීපයක් සම්බන්ධයෙන් අවස්තා කීපයකදී තොරතුරු අයදුම්පත් යොමුකළ ද එහි තොරතුරු නිලධාරීයාගෙන්  ඉල්ලා සිටි තොරතුරු ලබාදීම ප්‍රතික්ෂේප කරමින් තොරතුරු ලබාදීම මග හැර ඇත්තේ එම තොරතුරුම  දිවයිනේ අනෙකුත් දිස්ත්‍රික්කයන්හි ගොවිජනසේවා  සහකාර කොමසාරිස් කාර්යාල විසින් ලබා දී තිබෙන පසුබිමක ය. එම නිසා නියමිත ක්‍රමවේදයන් ඔස්සේ මේ සම්බන්ධයෙන් තොරතුරු දැනගැනීමේ කොමිසන් සභාවට ද පැමිණිලි කර තිබේ.

  ඒ අනුව  2020.07.20 දින හා 2020.11.13 යන දිනයන්හි මෙම තොරතුරු අයදුම්පත් හම්බන්තොට දිස්ත්‍රික් ගොවිජනසේවා  සහකාර කොමසාරිස් කාර්යාලයේ තොරතුරු නිලධාරියා වෙත යොමුකර තිබෙන නමුත් මේ වනතෙක් එම තොරතුරු ලබාදීම මග හරිමින් සිටින්නේ ගොවිජන සංවර්ධන දෙපාර්තමේන්තුවේ අතිරේක කොමසාරිස් ජනරාල්වරයාගේ ද ඉල්ලීමට පිටුපාමින් වීම බරපතල ගැටලුවකි.

 මෙවන්  පසුබිමක  තොරතුරු දැනගැනීමේ අයිතිවාසිකම් පිලිබඳ කොමිසමට සිදුකරන ලද අභියාචනය අනුව තොරතුරු කොමසම මගින්ද පනතට අනුව කටයුතු කරන ලෙස දන්වා හම්බන්තොට දිස්ත්‍රික් ගොවිජනසේවා කාර්යලයවෙත පුර්ව  දැනුම්දීම් සිදුකර තිබේ.

  මේ ආකාරයෙන් හම්බන්තොට දිස්ත්‍රික්කයේ සිදුවන නීති විරෝධී   කුඹුරු ඉඩම් ගොඩ කිරීම් සම්බන්ධයෙන් තොරතුරු දීම මග හරින හම්බන්තොට ගොවිජනසේවා අතිරේක කොමසාරිස්වරයා හා එහි තොරතුරු නිලධාරීවරයා අදාළ කුඹුරු ඉඩම් ගොඩ කිරීම සඳහා සහය දෙනවද? එසේ නැත්නම් ගොවිජන සංවර්ධන දෙපාර්තමේන්තුවේ අතිරේක කොමසාරිස් ජනරාල්වරයාට ද ඉහළින් වූ හස්තයක් මේ සඳහා රැකවරණය ලබදෙනවාද? යන්න මෙහිදී ඇතිවන සාධාරණ සැකයකි. එසේ නම් කිව යුත්තේ වැටත් නියරත් ගොයම් කා නම් කාට පවසමි ඒ………..අමාරුව යන්න ය.

පුවත්

කල්මුණේ වෙත ලැබුණු රුපියල් මිලියන 2,600ක ව්‍යාපෘතියක් අත්හිටුවයි : තොරතුරු දැනගැනීමේ පනත හරහා සිදුකළ තතු අනාවරණය

රිෆ්දි අලි ආසියානු සංවර්ධන බැංකුවෙන් ලද රුපියල් මිලියන 2,600ක ණය ආධාර සහිතව මෙරට ක්‍රියාත්මක කරන ලද ‘ද්විතීයික නගර සඳහා වූ…

By In
පුවත්

විසඳුමක් ඇති නමුත් තවම විසඳී නැති මිහිඳුසෙන්පුර කසල ගැටළුව​

මෑතක දී සිට කොළඹ නගරයේ කුණු කසල බැහැර කිරීම පිළිබඳ මහජනතාවගෙන් බොහෝ සෙයින් පැමිණිලි ලැබෙන බවක් දක්නට ලැබේ. මෙයට වසර…

By In
පුවත්

පසුගිය පාර්ලිමේන්තු මහ මැතිවරණවලට ඉදිරිපත්වූ අපේක්ෂකයින්ගෙන්  වත්කම් හා බැරකම් ඉදිරිපත්කර තිබෙන්නේ  සියයට 35කටත් වඩා අඩුවෙන්

2015 වඩා 2020  පාර්ලිමේන්තු මහ මැතිවරණයේ දී වත්කම් හා බැරකම් ඉදිරිපත්කිරීම් තවත් අඩුවෙලා රාහුල් සමන්ත හෙට්ටිආරච්චි     පසුගිය 2015 වර්ෂයේ සහ 2020 වර්ෂයන්හි පැවති  පාර්ලිමේන්තු මහ මැතිවරණ…

By In
පුවත්

ව්‍යාපෘති කාලයෙන් අඩකටත් වැඩි කාලයක් ගත වී තිබුණ ද තවමත් අනුරාධපුර උපායමාර්ගික නගර සංවර්ධන වැඩසටහනෙහි කටයුතු මන්දගාමීයි

ප්‍රංශ සංවර්ධන ආයතනයේ ණය ආධාර යටතේ අනුරාධපුර නගරය ඉලක්ක කොටගෙන ක්‍රියාත්මක වන උපායමාර්‍ර්ගික නගර සංවර්ධන වැඩසටහනෙහි ප්‍රගතිය විමසා අප විසින්…

By In

Leave a Reply

Your email address will not be published. Required fields are marked *