පුවත්

රජයේ හා පෞද්ගලික සෞඛ්‍ය සේවා ගාස්තු

By In

නිදහස් සෞඛ්‍ය සේවයක් ක්‍රියාත්මක වන රටක් ලෙස ශ්‍රී ලංකාවේ බොහෝ සෞඛ්‍ය සේවා නොමිලයේ ලබා ගැනීමට මෙරට පුරවැසියන්ට හැකිවී ඇත. නමුත් රාජ්‍ය සෞඛ්‍ය සේවයේ පවතින සීමිත සම්පත් ප්‍රමාණය නිසාත්, වාර්ෂිකව වෙන්කරණු ලබන මුදල් ප්‍රමාණය ප්‍රමානවත් නොවීම නිසාත් පුරවැසියන්ට තම සෞඛ්‍ය සේවා සලසා ගැනීිමේදී විවධ අසීරුතා පැන නගියි. මේ හේතුවෙන් ඇතැම් පිරිස් පෞද්ගලික සෞඛ්‍ය සේවා වෙත නැඹුරුවීමේ පුවණතාවයක්ද දැකිය හැකිය. සුහදශීලී සේවාවක් සැපයීම, සුඛෝපභෝගී පහසුකම් සැපයීම, ගතවන කාලය අවම වීම වැනි වාසි පෞද්ගලික අංශයේ සෞළ්‍ය සේවා ලබා ගන්නා පුරවැසියන්ට හිමි වී ඇත. නමුත් ඒ සඳහා විශාල මුදලක් ගෙවීමට පුරවැසියන්ට සිදුවී ඇත. එම මුදල සාමාන්‍ය ජනයාට දැරිය නොහැකි තරමේ මුදලක් වීම නිසා සාමාන්‍ය සෞඛ්‍ය සේවා හැරුණුවිට සැත්කම් වැනි සේවා සඳහා සාමාන්‍ය ජනයා යොමුවීම අඩුය. මෙම තත්වය හමුවේ රාජ්‍ය සෞඛ්‍ය සේවා කෙරෙහි පවතින තදබදය එලෙසම පවතින අතර මෙයට විකල්පයක් ලෙස පවතින පෞද්ගලික සෞඛ්‍ය සේවා ස්ථාන ඉතා සුලු පිරිසකට පමණක් සේවා සපයයි.

පෞද්ගලික හා රජයේ සෞඛ්‍ය සේවා මිළගණන් වල පවතින මෙම විශාල වෙනස නිසා රාජ්‍ය හා පෞද්ගලික යන දෙපාර්ශවයටම අවාසි ගෙනදෙයි. මෙම වෙනස හඳුනා ගැනීම සඳහා සාමාන්‍යයෙන් රජයේ රෝහල්වලින් සපයන සෞඛ්‍ය සේවා සඳහා වැයකරන වියදම තොරතුරු දැනගැනීමේ පනත යටතේ ඉල්ලීමක් සිදු කරන ලදී. මෙහිදී බහුලවම සුදුකරන ප්‍රසූත සැත්කම් සහ සාමාන්‍ය ප්‍රසූති සඳහා රජයේ රෝහල්වලින් දරණු ලබන වියදම පිළිබඳ තොරතුරු විමසන ලදී. මේ සඳහා කාසල් වීදියේ කාන්තා රෝහල විසින් ලබා දී ඇති අපවෙත තොරතුරු එවා තිබිණි.

සාමාන්‍ය ප්‍රසූත සහ ප්‍රසූත සැත්කම් වෙනුවෙන් වැයවන මුදල කොපමණද යන්න ගණනය කිරීමට ක්‍රමවත් ක්‍රමවේදයක් දැනට ක්‍රියාත්මක නොවන නමුත් 2015 වර්ෂයේදී කරන ලද සමීක්ෂණාත්මක ගණනය කිරීමකට අනුව සාමාන්‍ය ප්‍රසූතයක් සඳහා රු 11457.00ක මුදලක් ද, ප්‍රසූත සැත්කමක් සඳහා රුග 19240.00 ක මුදලක්ද වැයවන බව ගණන් බලා ඇත. තවද දළ වශයෙන් වසරකට 10% කින් මෙම වටිනාකම ඉහළ යා හැකියැයි ගණන් බලා ඇත. ඒ අනුව සාමානය සැත්කමක් සඳහා 2019 වර්සය වන විට රු. 15249.00ක මුදලක් ද, ප්‍රසූත සැත්කමක් සඳහා රු.28169.00 ද වැය වෙනු ඇතැයි ගණන් බලා ඇත.

මෙම මිළගණන් පෞද්ගලික අංශයේ මිළගණන් සමඟ සංසන්දනය කිරීමේදී පෙනී යන්නේ පූර්ණ පෞද්ගලික අංශයේ මෙම සැත්කම් සඳහා අයකරන මුදල මෙම මුදලට වඩා පස්ගුණයක් තරම් (දළ වශයෙන්) වැඩි බවයි. පෞද්ගලික අංශයේ මෙම සේවා සඳහා ලබා දෙනු ලබන අමතර පහසුකම් පිළිබඳ අවධානය යොමු කිරීමේදී පෞද්ගලික අංශයේ පෞද්ගලික අංශයේ ගාස්තු සාධාරණ ලෙස වැඩි විය හැකි වුවද පස් ගුණයකින් පමණ වැඩි වී තිබීම ගැටළු සගතය.

පෞද්ගලික හා රාජ්‍ය යන අංශවල සේවා ජනයාට පහසුවෙන් ලබාගතහැකි මට්ටමට පත්කිරීම සඳහා මෙම මිළගණන් අතර පවතින විෂමතාවය අවමකළ යුතුය. මේ සඳහා රජයේ පාර්ශවයෙන් දරනු ලබන වියදම පිළිබඳ තොරතුරු ලබා ගැනීමට හැකිවීම රජයෙන් සපයන සේවාවල වටිනාකම පිළිබඳ අවබෝධයක් ලබා ගැනීමටද උපකාරී වේ. මෙවැනි කරුණු කෙරෙහි මහජන අවධානය යොමුකිරීම මඟින් මෙවැනි සේවා භාවිතයේදී නිවැරදි තීරණ ගැනීමටත්, ජනතාවට වඩාත් පහසුවෙන් ලබාගතහැකි ලෙස සේවා හැඩගස්වා ගැනීමටත් හැකිවනු ඇත. මෙවැනි තොරතුරු ලබා ගැනීම සඳහා තොරතුරු දැනගැනීමේ පනත මඟින්ද වටිනා අවස්ථාවක් ලබා දී ඇත.

පුවත්

කොන්ත්‍රාත්කරුගේ නොසැලකිලිමත් ක්‍රියාකාරකම් හේතුවෙන් අෂ්රෆ් අනුස්මරණ රෝහලට මහල් හයක් අහිමි වෙයි.

රිෆ්ති අලි කල්මුණේ, අෂ්රෆ් අනුස්මරණ රෝහලේ හදිසි අනතුරු හා හදිසි සේවා අංශය වෙනුවෙන් ඉදි කෙරෙමින් තිබූ මහල් හයක ගොඩනැගිල්ලේ ඉදිකිරීම්…

By In
පුවත්

“පොදු යහපත උදෙසා වන පදනමින් තොරතුරු ලබාදෙන්න” මාතර මහ රෝහලට සහ සෞඛ්‍ය අමාත්‍යංශයට තොරතුරු කොමිසම නියෝග කරයි

බොහොමයක් පොදු අධිකාරීන් පනතේ පස්වන වගන්තිය අවභාවිත කරලා. රාහුල් සමන්ත හෙට්ටිආරච්චි   තොරතුරු දැනගැනීමේ පනත යටතේ මාතර මහ රෝහලෙන් හා  සෞඛ්‍ය…

By In
Uncategorized, පුවත්

තොරතුරු දැනගැනීමේ අයිතිය හරහා පන්නරය ලබන පොළොන්නරුවේ ගොවි ජන අරගල

එස්. එම්. මනෝජ්“මේ පොළොව මිනිසාට අයිති නැති බව අපි දනිමු. මිනිසා අයිති වන්නේ මහ පොළොවටයි. ඥාතීන් සියලු දෙනා එකම ලේ…

By In
පුවත්

තොරතුරු දැනගැනීමේ පනතට අනුව එක් කොලයක  තොරතුරු දෙන්න නුවරඑළිය ගොවිජනසේවා කාර්යාලය රුපියල් 300ක් අරන්

සිමෙන්ති සංස්ථාවෙන් ලිපිය තැපැල් කරන්නත් සල්ලි අරන් ගාස්තුවලට පිටින් අයකරගනිමක් සිදුකර තිබේනම් එය වරදක් – නීතිඥයෙකු ජගත් ලියනආරච්චි රාහුල් සමන්ත…

By In

Leave a Reply

Your email address will not be published. Required fields are marked *